La nostra rubrica “L’Angolo della Poesia” propone oggi la poesia in piemontese “Preghiera dla matin” di Gigi Vaira, curatore del blog personale “Emozioni di carta”.

Preghiera dla matin

I l'heu scrit tante ròbe ma s'i vardo 'ndarera

im n'ancòrz ch'am manca na preghiera,

na preghiera fàita con sincera divossion

për ciamé na grassia o supliché un përdon,

ch'as peussa disse minca di, ëd bon matin,

për ringrassiete Nosgnor dël bel e 'd coj sagrin

che minca tant an fan rampié an salita

ma ch’an dan pì 'd gust a nòstra vita.

Fà ch'i riessa a rispeté ij comandament

e fame 'l cadò d’esse sempe content,

lassa che 'l mond a vada coma ch’a deuv andé

përché tut a marcia conforma a 'l vorèj ëd Dé;

ël sol ch'a conòss ël giust indrit it ses mach Ti,

dame, s'is peuss, ël bon sens ëd dite sempe mersì.

Luigi Lorenzo Vaira è nato il 30 aprile 1960 a Sommariva del Bosco (CN) ove ancora oggi vive con la famiglia. La sua lingua madre è il piemontese, idioma in cui, come ama lui stesso sottolineare, pensa e addirittura sogna. Negli ultimi dieci anni si è cimentato nella scrittura di poesie e racconti rigorosamente in piemontese, aggiudicandosi il podio di concorsi letterari organizzati a livello regionale e nazionale.

In italiano ha scritto anche due romanzi: “Nemico Blu” e “P di Pum” dal quale è stato tratto un musical portato in scena nel 2016.

Luis Lorens Vaira a l'é nassù ai 30 d’Avril dël 1960 a Somariva dël Bòsch (CN) pais anté che 'ncora adess a viv con la famija. Soa lenga genita a l'é 'l piemontèis, parlada che, coma ch'a-j pias sotligné, a lo compagna minca di 'nt ij sò pensé e adritura 'nt ij seugn ëd le neuit. Ant j'ùltim des ani a l'é campasse a scrive 'd pròse e 'd poesìe, sèmper an piemontèis, rivand da soens ai primi pòst ëd vàire concors leterari organisà a livel regional e nassional.

An lenga italian-a a l'ha scrit doi romanz: “Nemico Blu” e “P di Pum” dont a l'é stàit gavà në spetàcol musical ch'a l'é 'ndàit an sena 'nt l’ann 2016.